तितोपाटी – काठमाडौंको सिनामंगलस्थित गोल्डेन गेट नजिकै बेवारिसे शव फेला परेको छ । अन्दाजी १७/१८ वर्षको युवकको शव अनुहार र शरिरको लुगा जलेको अवस्थामा कल्भर्ट भित्र फेला परेको महानगरीय प्रहरी परिसर टेकुका एसपी अशोक सिंहले जानकारी दिए ।
युवकको साथमा लागूऔषध डेनड्राइड फेला परेको छ । आगो तापेर सुत्ने क्रममा जलेको आशंका गरिएपनि पोष्टमार्टम रिपोर्टपछि मात्रै मृत्युको कारण थाहा हुने सिंहले बताए । युवकको पहिचान खुल्न सकेको छैन ।
आज बिहान गौशालास्थित प्रहरी बृतले शव फेला पारेपछि अनुसन्धानका लागि थप टोली खटाएको छ। शव कसको हो भन्ने बारे पहिचान खुल्न नसकेको प्रहरीले जनाएको छ। महानगरीय प्रहरी परिसर टेकुको टोली समेत आएर थप अनुसन्धान गरेको हो ।
