तितोपाटी – बागलुङमा गत हप्ता मेलाबाट घर फर्कंदै गरेकी एक किशोरी बलात्कृत भएकी छन् । घटनामा संलग्न आरोपमा प्रहरीले निसीखोलाका दुई युवकलाई पक्राउ गरेको छ ।
भदौ २७ मा निसीखोला–४ को कानबगरमा तीजको मेला हेरेर फर्केकी १५ वर्षीया किशोरीलाई स्थानीय युवकले बलात्कार गरेका थिए ।
किशोरीका अभिभावकको उजुरी परेपछि ती युवकलाई गाउँबाटै नियन्त्रणमा लिइएको इलाका प्रहरी कार्यालय बुर्तिबाङले जनाएको छ । पक्राउ पर्नेमा निसीखोला–५ का खगेन्द्र विक र रामबहादुर विक छन् ।
उनीहरूलाई बुधबार बुर्तिबाङबाट सदरमुकामस्थित जिल्ला प्रहरी कार्यलयमा ल्याइएको छ । बलात्कारीले गाउँमै मिलापत्र गर्ने प्रयास गरेका थिए । पीडित परिवार नमानेपछि घटना प्रहरीसम्म पुगेको हो ।
