तितोपाटी- कपिलवस्तुकी एक किशोरी पाँच दिनदेखि सम्पर्कविहीन भएकि छन । वाणगंगा नगरपालिका ९ भलवाडकी १६ वर्षीया किशोरी बसन्ता बन्जाडे सम्पर्कविहीन भएकी हुन ।
यही भदौ २१ गते विद्यालय जान भनेर घरबाट हिँडेकी बसन्ता अझैसम्म घर नफर्किएको अभिभावकको भनाइ छ । आमा सुनिता बन्जाडेले भदौ २२ गते इलाका प्रहरी कार्यालय पिपरामा छोरी खोजिदिन निवेदन दिनु भएको छ ।
अभिभावकको निवेदनको आधारमा खोजी कार्य तीव्र पारिएको इलाका प्रहरी कार्यालय पिपराका इन्सपेक्टर चन्द्र केसीले जानकारी दिनुभयो । बसन्ताको फोटो र हुलियासहित सबैतिर परिपत्र गरेका र खोजतलास तीव्र बनाएको उहाँको भनाई छ ।
प्रहरीले अनुसन्धानको लागि कल डिटेल झिकाउने प्रक्रिया अगाडि बढाएको छ । त्यसका लागि अदालती प्रक्रिया पूरा गर्नुपर्ने हुन्छ ।
सभार- दिउराली एफएम
