तितोपाटी – बलात्कारको आरोपमा आन्ध्र प्रदेशका एक शिक्षकमाथि निर्घात कुटपिट भएको छ । दुई वर्षअघि आफ्नै विद्यार्थीलाई बलात्कार गरेको आरोप लगाउँदै आक्रोशित समूहले उनलाई निर्वस्त्र बनाएर सडकमा परेड खेलाएको हो ।
पश्चिम गोदावरी जिल्लाका एक पैदलयात्रीले खिचेको भिडियोमा ४० वर्षीय शिक्षक रामबाबुलाई निर्वस्त्र पारेर सडकमा घिसारेको देखिन्छ ।
अंग्रेजीका शिक्षक रामबाबुले दुई वर्षअघि आफ्ना छात्रामाथि दुव्र्यवहार गरेको पीडित र उनीहरूका आफन्तले आरोप लगाएका छन् । उनले बलात्कार गरेकामध्ये एक छात्रा गर्भवती भएकी थिइन् ।
रामबाबुले ती छात्रालाई गर्भपतन गर्ने औषधि खुवाएका थिए । गर्भवती भएपछि छात्राका अभिभावकले बलात्कारबारे थाहा पाएका थिए । पछिल्लो समयमा शिक्षकको गर्भधारण गरेको बताइएकी छात्रा ब्लिडिङलगायतका गर्भवतीजन्य समस्याबाट पीडित थिइन् ।
आक्रोशित आफन्तले शिक्षकलाई घरबाटै लछारपछार गरेर निर्घात कुट्दै सहर परिक्रमा गरेर प्रहरी चौकीमा पु(याएका थिए । प्रहरीले उनलाई पक्राउ गरेर मुद्दा दायर गरेको भारतीय सञ्चारमाध्यमहरूले जनाएका छन् । भारतमा बलात्कारका घटनामा तीव्र वृद्धि भएको छ ।
आठ वर्षीया बालिकालाई सामूहिक बलात्कार गरेको अभियोगमा भारतको एक अदालतले दुईजनालाई मृत्युदण्डको सजाय तोेकेको छ । फास्ट ट्र्याक सुनुवाइअन्तर्गत उनीहरूलाई मृत्युदण्ड सजाय सुनाइएको हो ।
दुई महिनाअघि एक बालिकामाथि दुईजनाले सामूहिक बलात्कार गरेका थिए । बलात्कारका कारण गम्भीर घाइते बनेकी बालिकाको एक अस्पतालमा उपचार भइरहेको छ ।
विद्यालय सकिएपछि घर फर्किन अभिभावकलाई कुरिरहेका वेला २० र २४ वर्षका पुरुषले एकान्तमा लगेर उनलाई बलात्कार गरेका थिए । उनलाई अर्धचेत अवस्थामा स्थानीयले अस्पताल लगेका थिए ।
एजेन्सी
