स्वार्थी यो दुनियाँमा, लाग्दैन कोहि जाती हजुर।
जता फर्क्यो उतै देख्छु, मात्रै आत्माघाती हजुर।
समाजका ती बुद्धिजीवी, भनाउँदाहरुले नै,
सधैंभरी गरेको त्यो, देख्दा खुराफाती हजुर।
ढाँट्दै,छल्दै, झुठो बोल्दै, गरेपछि अत्याचार,
भन्न पनि घिन लाग्यो,आफ्नै छोरा नाति हजुर।
फटाहा र धुसखोरीलाई, सबै सामु बोलाएर,
उच्च सम्मान गर्दै लाएपछि फुलपाती हजुर।
जाली, शोषक, भ्रष्टाचारी, संगै बलात्कारी पनि,
निर्धक्क भै फुलाएर, हिड्दा खेरि छाती हजुर।
प्रतिमा शिवाकोटी(उप्रेती)
भुम्लु गाउँपालिका ८,भुम्लुटार,काभ्रेपलान्चोक
रचना:२०७८/११/०८ आइतबार
