बुढ्यौली खोरिया
१
बुढ्यौली हुन्छ सजल
मानेमा सबै असल
शरीर गरौ जतन
उन्कै खटन।
२
खानामा हलुका पारौ
व्यायाम आराम गरौ
हुन्छ सहज बुढ्यौली
ध्यान गरौलि।
३
बुढ्यौली आयो डसेर
आँखाको ज्योति खसेर
हातखुट्टा नि गलेर
दिन ढलेर।
लक्ष्मी बस्याल बर्दिया
खोरिया …..
१ सारै जाडोको याम यो
बृद्धलाई भो गाह्रो यो
धेरै दुख समय भो
सारै दुः ख भो ।
२.
समय बदलिएको
कोरोना फेरी आएको
सबैलाई नै दुः ख छ
भोग्नु पर्दैछ ।
३.
समयलाई मिलाऔ
सुरक्षित भइ बाचौ
स्वस्थ जीवन लिएर
अघि बढेर ।
गंगा लिगल
बुढ्यौली खोरिया
१
बुढ्यौलीको यो अवस्था
प्रकृतिकै हो व्यवस्था
आत्तिनु हुन्न कहिल्यै
हाँसौ जहिल्यै !
२
शरिर निर्धो हुँदैछ
चिसोले धेरै छुँदैछ
ध्यान र योग गरेर
बसौँ रमेर!
३
सादा जीवन पद्धति
सरलता हो आखति
बुढ्यौली बनोस् उत्कृष्ट
नहोस कष्ट !
सुधा बासकोटा ढकाल
काठमाण्डु
जन्म पछि नै वृद्ध हो
यो स्वयम् सर्व सिद्ध हो।
लिनु र चिन्ता किन खै?
नलिनु न है!
चेतको दियो बालौँ न
बुढा र पाका पालौँ न
नमूना हामी बन्नु छ
माथि चढ्नु छ ।
गएसी फेरि पाइन्न
हामी नै पनि आइन्न
सबैले कुरो बुझौँ न
वृद्ध पुजौँ न
आउँछ बेला घुमेर
फर्कन्छ कहाँ उमेर
बुढा बा भारी नठानौँ
झिँजो नमानौँ
चन्द्रावती अधिकारी
कोलपुर
