तीतोपाटी – कोरोना भाइरसको नयाँ भेरियन्ट ओमिक्रोनको संक्रमण बढे पछि नेदरल्याण्डले आज आइतबारदेखि लकडाउन शुरू गरेको छ । नेदरल्याण्डका प्रधानमन्त्री मार्क रूटेले शनिबार एक पत्रकार सम्मेलन गरि लकडाउनको घोषणा गरेका हुन् ।
क्रिसमसको समयमा मानिसहरूको जमघटले संक्रमण बढ्न सक्ने भन्दै क्रिसमसको पूर्वसन्ध्यामा नेदरल्याण्ड सरकारले लकडाउन गरेको हो ।
अत्यावश्यक बस्तुका पसलहरू बाहेक अन्य पसलहरू, बारहरू, जिमहरू, हेयरड्रेसरहरू र अन्य सार्वजनिक स्थानहरू १४ जनवरी सम्मका लागि बन्द रहने छन् भने होली डे मा एक घरमा २ जना भन्दा बढि पाहुना ल्याउन नपाइने निर्णय नेदरल्याण्ड सरकारले गरेको छ ।
