Saturday 21st November 2026

सामसुङको विश्वकै सबैभन्दा ठुलो मोवाइल फ्याक्ट्री भारतमा


तितोपाटी – सामसङ्ग इलेक्ट्रोनिक कम्पनीले भारतमा विश्वको सबैभन्दा ठूलो मोबाइल फ्याक्ट्री बनाएको छ ।

सोमबार भारत भ्रमणमा आएका दक्षिण कोरियाली नेता मुन जाए–इन र नरेन्द्र मोदीले संयुक्त रुपमा फ्याक्ट्रीको उद्घाटन गरे ।

यस फ्याक्ट्रीले पूर्ण क्षमतामा आफ्नो काम सुचारु गरेपछि भारतमा सामसङ्ग मोबाइल निर्माण दर दोब्बर हुनेछ । हाल भारतमा प्रति वर्ष ६ करोड सामसङ्ग मोबाइल सेट उत्पादन भइरहेको छ । अब यस उद्योगले पूर्ण रुपमा काम थालेपछि प्रति वर्ष १२ करोड सामसङ्ग मोबाइल सेट उत्पादन हुनेछ ।

स्मार्टफोन निर्माताहरु सायोमी करपोरेसनदेखि ओप्पो मोबाइल्ससम्मले विश्वमा सबैभन्दा छिट्टो बृद्धी भइरहेको भारतीय बजारलाई लक्षित गरेर फ्याक्ट्री बनाइरहेका छन् ।

यसले मोदीले विदेशी लगानीकर्ताहरुलाई आकर्षित गर्नलाई अघि सारेको ‘मेक इन इण्डिया’ कार्यक्रम सफल भइरहेको देखाएको छ ।

एशियाको तेस्रो ठूलो अर्थतन्त्र रहेको भारतले अघिल्लो वर्ष हाल सम्मकै ठूलो प्रत्यक्ष विदेशी लगानी भित्राउन सफल भयो । उक्त वर्ष भारतले पुनलगानी समेत ६२ अर्ब डलर विदेशी लगानी आकर्षित गर्न सक्यो ।
“अबसर विशाल छ,” सीएमआर पीभीटीका अनुसन्धानदाता फैसल कवूसाले भने ,“यस्तो ठूलो संरचनाले सामसङ्गलाई १.३ अर्ब जनसङ्ख्या भएको देशमा रहेको ठूलो माग पु¥याउन सहयोग गर्नेछ । यहाँ ४२.५ करोड त मोबाइल प्रयोगकर्तानै छन् ।”

सन् २०१७ मा भारतको स्मार्टफोन बजार १४% ले बृद्धी भयो । यो शिर्ष २० अर्थतन्त्रमध्य सबैभन्दा तीब्र वृद्धीदर हो । भारतमा नयाँ फोनको मागमा थप बृद्धी भइरहेको छ ।
चीनको मोबाइल निर्माता सायोमीले अप्रिलमा आफूले भारतमा थप तीन वटा उद्योग बनाउने घोषणा ग¥यो । यो वर्षको शुरुमा सायोमीले सामसङ्गलाई उसले लामो समयदेखि ओगटेको पहिलो स्थानबाट विस्थापित ग¥यो ।

आफ्नो नयाँ फ्याक्ट्रीमा १०,००० पर्ने सस्तो मोबाइलदेखि एस–९ सम्म बन्ने सामसङ्गले जानकारी दिएको छ ।

भारतमा सत्तो खालको मोबाइल बढी विक्ने गरेको छ । यही कारण एप्पलका मोबाइलले भारतमा बजार हिस्सा बढाउन संघर्ष गरिरहेको छ ।

अघिल्लो वर्ष स्मार्टफोन बजारको आकारको हिसाबमा भारतले अमेरिकालाई विस्थापित गरेर दोस्रो स्थान हासल ग¥यो । पहिलो स्थानमा भने चीन रहेको छ ।


सम्बन्धित शीर्षकहरु

म्यानमारको सेनाले रोहिंग्या मुस्लिम समुदायमाथि सन् २०१७ मा गरेको सैन्य दमनलाई नरसंहार ठहर गर्दै अन्तर्राष्ट्रिय न्यायालय (आईसीजे) ले ऐतिहासिक फैसला…

काभ्रे, मंसिर ३। काभ्रे जिल्लाको एक रिसोर्टबाट ३५ जापानीसहित ४० जना विदेशी नागरिकलाई प्रहरीले नियन्त्रणमा लिएको छ। दुई दिनभित्र काभ्रेका…

ढाका, नोभेम्बर १९। बंगलादेशमा पूर्वप्रधानमन्त्री शेख हसिनाको स्वदेश फिर्तीको विषयलाई लिएर राजनीतिक तनाव चुलिएको छ। हसिनाको पार्टी अवामी लिगका समर्थकहरू…

प्रतिकृयाहरू
...