तितोपाटी- हिन्दु नारीहरुको महान चाड तिज नजिँकिदै गर्दा विभिन्न खालका तीज गीत बजारमा सार्वजनिक हुने क्रम बढ्दो छ । यस्तैमा चर्चित गीतकार गायत्री थापाको शब्द तथा गायिका सर्मिला गुरुङ र राधा हमाल बाँनियाको स्वर रहेको तिज गीत ‘नाचांै दिदी बहिनी’ सार्वजनिक भएको छ । लोक शैलीमा तयार भएको गीतमा शब्दहरु सिम्पल तथा अर्थपूर्ण छन् । पछिल्लो समय तीज गीतमा विभिन्न खालका तडक भडकका शब्द प्रयोग गरेर ल्याइने गरेको छ । तर ‘नाचौं दिदी बहिनी’मा सानादेखि बृद्धसम्मले मनपराउने, बुझ्ने खालका शब्द छन् । गीत सबैको रोजाइमा पर्ने गीतकार गायत्री थापाको दाबी रहेको छ ।
गीतको भिडियो पनि आकर्षक बनेको छ । ऋचा थापा र अलिसा खत्रीको नृत्य रहेको म्युजिक भिडियो मदन खड्काले निर्देशन गरेका हुन् । विकास ज्ञवालीको सम्पादन रहेको भिडियो वीरेन्द्र भट्टले सम्पादन गरेका हुन् । नेपाली संगीतिक क्षेत्रमा थुप्रै चर्चित गीत गीतकार तथा गायिका गायत्री थापा ‘जनसेवा श्री सम्मान’ बाट केही पहिले विभूषित समेत भएकी थिइन् ।
