तितोपाटी – फेमिना मिस इन्डिया २०१९को ताज राजस्थानकी सुमन रावले जितेकी छिन् । फेमिना मिस इन्डिया २०१९ प्रतियोगितामा कुल ३० प्रतियोगीको सहभागिता रहेको थियो । मिस इण्डिया भारतको राष्ट्रिय प्रतियोगिता हो भने यो प्रतियोगिता विजेताले मिस युनिभर्स प्रतियोगिता र उपविजेताले मिस वर्ल्ड प्रतियोगितामा सहभागिता जनाउन सक्दछन् ।
मुम्बईको सरदार वल्लभ भाई पटेल स्टेडियममा आयोजित मिस इन्डिया प्रतियोगितामा नायिका हुमा कुरैशी,चित्रंगदा शिंह, रेमो डिसुजाको समेत उपस्थिती रहेको थियो । सुमन रावलाई मिस इन्डिया २०१८की विजेता अनुकृति दासले ताज पहिर्याइदिएकी थिइन् ।
मिस इन्डिया २०१९को विजेता सुमन चार्टर्ड एकाउण्टेन्टकी विद्यार्थी हुन् । सुमनले प्रतियोगितामा अरुले असामान्य मानेका कुराहरु पनि गर्ने हिम्मत राख्ने गरेकाे बताउँदै आफु जीवनमा सबैभन्दा बढी आफ्ना आमा बुवाबाट प्रभावित भएको बताएकी थिइन् ।
