कुबेत, मार्च २२ — किरात याक्थुङ चुम्लुङ कुबेत, किरात राइ यायोखा कुबेत र सुनुवार सेवा समाज कुबेतले किरात समुदायका महान सांस्कृतिक पर्वहरू — यक्वा तङ्नाम, साकेला उभौली, र सलिवा स्यादर पिदार — संयुक्त रुपमा २०२५ मे १६ तारिकका दिन भव्य रुपमा मनाउने तयारी गरेका छन्।
उक्त अवसरमा नेपालबाट विशेष अतिथि कलाकार सहित सांस्कृतिक कार्यक्रम समेत आयोजना गरिने जानकारी आयोजक संस्थाहरूले दिएका छन्। कार्यक्रमलाई सफल र सबै समुदायको सहभागितायोग्य बनाउन अरू सम्पूर्ण संघ–संस्थाहरुलाई सोही दिन कुनै अन्य कार्यक्रम नजुधाउने हार्दिक अनुरोध समेत गरिएको छ।
संस्थाहरूका अनुसार कार्यक्रमको स्थान र सहभागी कलाकारहरूको विस्तृत विवरण केही दिनमै सार्वजनिक गरिने छ।
संयुक्त आयोजकहरूले किरात समुदायको पहिचान, संस्कृति र एकता झल्किने यो पर्वलाई कुबेतमा विशेष महत्वका साथ मनाउने उद्देश्य राखेका छन्।
अधिक जानकारीका लागि आयोजकसँग सम्पर्क गर्न अनुरोध गरिएको छ।
