ईजरायली दर्जनौं लडाकु विमानहरूले यमनको रास इसा र होडेडाह बन्दरगाहहरूमा पावर प्लान्टहरू र समुद्री बन्दरगाह सुविधाहरू माथी आक्रमण गरेको छ । आक्रमणमा कम्तिमा चार जनाको मृत्यु भएको छ जसमा एक जना बन्दरगाह कामदार र तीन इलेक्ट्रिक इन्जिनियरहरू रहेको हुथी सम्बन्धित अल मासिराह टिभी ले प्रसारण गरेको छ ।
आइडीएफले यमनको हुथीहरूलाई आइतवार युद्धको सबैभन्दा शक्तिशाली काउन्टर स्ट्राइकको साथमा जवाफ दिएको छ । जुलाईमा होडेडाहमा भएको ठूलो हवाई आक्रमण भन्दा पनि आज को हमला शक्तिशाली रहेको ईजरायलबाट प्रकाशित जेरुसेलम पोष्ट ले लेखेको छ ।
इजरायलले यसअघि जुलाईमा होदेइदाह बन्दरगाहमा आक्रमण गरेको थियो जब हुथी ड्रोन हमलाले इजरायलको हवाई प्रतिरक्षामा प्रवेश गरेको थियो र तेल अवीवमा एक नागरिकको मृत्यु भएको थियो। गत वर्षदेखि, हुथीहरूले इरानको निर्देशन र आर्थिक सहयोगमा र इराकी मिलिसियाको सहयोगमा इजरायल राज्यमा आक्रमण गर्न, क्षेत्रीय स्थिरतालाई कमजोर पार्न र नेभिगेसनको विश्वव्यापी स्वतन्त्रतामा बाधा पुर्याउन काम गरिरहेको इजरायली सेनाको विज्ञप्तिमा भनिएको छ।
दर्जनौं इजरायली विमानहरूले आक्रमणमा भाग लिएका उक्त हमला इजरायली क्षेत्रबाट १,८०० किलोमिटर टाढा पर्दछ । हुथीहरूले हालैका हप्ताहरूमा तेल अवीव र मध्य इजरायल क्षेत्रहरूमा तीनवटा ब्यालिस्टिक मिसाइलहरू प्रहार गरेपछि ईजरायलले यो काउन्टर एटयाक्ट गरेको बताएको छ ।
लक्ष्यहरूमा पावर प्लान्टहरू र तेल आयातमा गर्न प्रयोग हुने बन्दरगाह समावेश छन । जहाँबाट हुथीहरूले सैन्य आपूर्ति र तेलको अतिरिक्त इरानी हतियारहरू यस क्षेत्रमा स्थानान्तरण गर्न प्रयोग गर्ने गरेको दावी ईजरायलको छ ।
यस महिनाको सुरुमा, उत्तरी यमनको अधिकांश भाग नियन्त्रण गर्ने हुथीहरूले मध्य इजरायल सम्म मार हान्न सक्ने क्षमता देखाएका छन । जसलाई उनीहरूले हाइपरसोनिक मिसाइलको रूपमा वर्णन गरेका थिए। आक्रमणले ईजरायलको बेन गुरियन एयरपोर्ट वरपरको क्षेत्रमा मानिसहरु आश्रयको लागि दौडिरहेका देखिएका थिए ।
इरानी विदेश मन्त्रालयका प्रवक्ता नासेर कनानीले हमलाको निन्दा गरेका छन् र उनीहरूले एउटा पावर प्लान्ट र इन्धन ट्याङ्कीलाई निशाना बनाएको बताएका छन्
इजरायली वायुसेनाका कमाण्डिङ अफिसर टोमर बारले एक विज्ञप्तिमा भनेका छन्, ूजसले पनि इजरायल राज्यका नागरिकहरूलाई हानि पुर्याउने प्रयास गर्छ, हामी उनीहरूसम्म पुग्नेछौँ।
