सर्वोच्च अदालतले योगराज ढकाल रिगल लाई पक्राउ गर्न आदेश दिए सँगै सरकार ले उनलाई आम माफी दिने गरी राष्ट्रपति समक्ष गरेको सिफारिस बदर भएको छ ।
नेपालगञ्जका चेतन मानन्धरको दिनदाहाडै खुडा प्रहार गरी हत्या गर्ने लाई संविधानको मनशाय विपरित दुरुपयोग गर्ने गरी सरकारले गरेको सिफारिसले अहिलेको सरकारलाई कुरीकुरी गरिदिएको छ भने आँखा चिम्लेर छाँप हान्ने राष्ट्रपतिको विवेकशुन्यता लाई बाहिर ल्याई दिएको छ ।
न्यायाधीशहरु ईश्वरप्रसाद खतिवडा, सपना प्रधानमल्ल र कुमार चुडालको संयुक्त इजलासले ढकाललाई आममाफी दिने राष्ट्रपति कार्यालयको निर्णय उत्प्रेषणको आदेशले बदर गर्दै उनलाई तत्काल पक्राउ गरेर थुनामा राख्न परमादेश समेत दिएको छ ।
ढकालले हत्या गरेका चेतन मानन्धरकी पत्नी शेर्पाले सरकारी निर्णविरुद्ध सर्वोच्च अदालतमा रिट निवेदन दायर गरेकी थिइन् । उनले सार्वजनिक रुपमा नै भनेकी थिईन की म पिडित हुँ । मैले पति गुमाएको छु । छाडन आदेश दिने राष्ट्रपति को हो ? सरकार को हो ? मेरो सहमती चाहिन्छ की चाहिन्दैन । तिनका ज्वाईहरु त्यसरी मारिएका भए उनीहरुले माफी दिने थिए ?
भारती शेर्पा मानन्दर को रोदन र क्रन्दन लाई सारा नेपालीले साथ दिएका थिए । उनको मुद्धामा धेरै राष्ट्रभक्त वकिलहरुले निशुल्क बहस समेत गरे । अन्तत भारतीलाई अदालत ले राहात दियो । रिगाल छुटे पछि फुलमाला सहित जेलमा लिन जाने कांग्रेसीजनहरु अहिले निराश छन । उनीहरुले चुनावका लागि एउटा भरपर्दो गुण्डा गुमाएका छन ।
