लगातारको वर्षाले उत्तरी भारतका विभिन्न भागमा बाढी पहिरो जाँदा कम्तीमा ३७ जनाको मृत्यु भएको छ। हिमाचल प्रदेश सबैभन्दा बढी प्रभावित बनेको छ, जहाँ गत दुई दिनमा अचानक बाढी र पहिरोले १८ जनाको ज्यान लियो, जबकि पञ्जाब र हरियाणामा ९ जना, राजस्थानमा ७ र उत्तर प्रदेशमा ३ जनाको ज्यान गएको थियो । बाढीपहिरोका कारण पुलपुलेसा भत्किँदा र सडक अवरुद्ध हुँदा धेरै क्षेत्रमा पुग्न कठिनाइ भएको सरकारी अधिकारीहरूले बताएका छन् ।
राजस्थान, उत्तर प्रदेश, उत्तराखण्ड र कश्मीरका हिमाली क्षेत्रहरूमा थप नौ जनाले ज्यान गुमाएका छन् । सरकारी अधिकारीहरूका अनुसार हिमाचल प्रदेशको लाहौल–स्पिती र कुल्लुका क्षेत्रहरूमा पर्यटकसहित करिब तीन सय जनालाई उद्धार गर्न हेलिकोप्टर पठाउने प्रयास भइरहेको छ । प्रतिकूल मौसमका कारण उडान गर्न सकिएको छैन ।
भारी वर्षा र बाढीको सामना गर्न उत्तर भारतका चार राज्यहरूमा कुल 39 वटा राष्ट्रिय विपद् प्रतिक्रिया बल (NDRF) टोलीहरू खटाइएको थियो। पञ्जाबमा १४ टोली काम गरिरहेको बेला हिमाचल प्रदेशमा एक दर्जन, उत्तराखण्डमा आठ र हरियाणामा पाँच टोली खटाइएको थियो।
-इन्डिया टुडे
