कोलम्बियामा विमान दुर्घटनाको करिब ४० दिनपछि ४ जना बालबालिका जीवितै भेटिएका छन् । गत महिना अमेजन वर्षा वनमा विमान दुर्घटना हुँदा बेपत्ता भएका चार जना बालबालिका शुक्रबार जीवितै फेला परेका हुन् । १३, ९, ४ र १ वर्षका बालबालिका ४० दिनसम्म जङ्गलमा बाँचेका हुन । उनीहरूको आमा र अन्य दुई जनाको भने दुर्घटनामा मृत्यु भएको थियो ।
कोलम्बियाका राष्ट्रपति गुस्ताभो पेट्रोले शुक्रबार साँझ जंगल क्यामोफ्लाजमा आपत्कालीन उद्धारकर्ताहरूले ति बालबालिकाहरूलाइ सकुशल फेला पारेको र उनीहरूको उपचार भइरहेको खबर ट्वीट गरेका हुन् । राष्ट्रपति पेट्रोले हप्तौंको खोजीपछि बालबालिकालाई सकुशल भेट्नु पूरै मुलुकका लागि खुसीको क्षण भएको बताएका छन् ।
उद्धार मिशनले यस अपरेशनलाई चमत्कार भनेका छन् । एक सय भन्दा बढी सैन्य कर्मचारी र आदिवासी स्वयंसेवकहरूले विस्तृत क्षेत्रमा बच्चाहरूको खोजी गरिरहेको थिए तर उनीहरु फेला परेका थिएनन ।
