अर्थमन्त्री प्रकाशशरण महतले आर्थिक वर्ष ०८०/८१ को बजेट वक्तव्य हिजो प्रस्तुत गरे । १७ खर्ब ५१ अर्ब ३१ करोडको बजेट ल्याएका महतले सार्वजनिक खर्चमा केहि कडाइ गरेका छन् । चालु खर्च ११ खर्ब ७१ अर्ब ७८ करोड र पुँजीगत खर्च ३ खर्ब २ अर्ब ७ करोड भएको बजेटको वित्तीय खर्च ३ खर्ब ७ अर्ब ४५ करोड रहेको छ ।
अहिलेको बजेट अनुसार विदेश भ्रमणमा जानेले ५ प्रतिशत अतिरिक्त कर तिर्नु पर्ने, विदेशमा पढ्न जाने विद्यार्थीले ३ प्रतिशत कर तिर्नु पर्नेछ । विलाशिता शुल्क स्वरूप पाँच तारे वा सो भन्दा माथिका होटल तथा लक्जरी रिसोर्टले प्रदान गर्ने सेवामा २ प्रतिशत कर राखिएको छ भने वार्षिक ५० लाखभन्दा बढी आय भएका व्यक्तिले अतिरिक्त ३ प्रतिशत कर तिर्नुपर्ने छ ।
सानो क्षमताका विद्युतीय सवारीमा भन्सार बढाइएको छ भने ठुलो क्षमताका सवारीमा भन्सार घटाइएको छ । प्रोसेस फुडका रूपमा रहेका कुरकुरे, चिजवल र अालुचिप्समा भन्सार बढाइएको छ भने उखुको खुदो, भेली र गुंण जस्ता बस्तुमा पनि भन्सार बढाइएको छ ।
नियमित रूपमा भन्सार बढ्ने धुम्रपान, मध्यपान र अन्य केहि सामानमा तपसिल बमोजिम भन्सार महशुल बढेको छः
