कुवेत शहर, नागरिक सूचनाका लागि सार्वजनिक प्राधिकरणले नागरिक र प्रवासी दुवैलाई तुरुन्तै आफ्नो नागरिक परिचयपत्र सङ्कलन गर्न आग्रह गरेको छ। स्रोतहरूका अनुसार प्राधिकरणको मुख्यालय र अल-जहरा र अल अहमदीका दुई शाखाहरूमा लगभग २,११,००० सिभिल आईडी तथा ड्राईभिंग लाईसेन्स दाबी नगरिएका कार्डहरू थन्किएर बसेका छन्।
दावी नगरिएका यी कार्डहरूको सङ्कलनले नयाँ आवेदकहरूलाई कार्ड जारी गर्ने प्रक्रियामा बाधा पुऱ्याइरहेको बताईन्छ । स्रोतहरूले यो पनि प्रकाश पारे कि मेरो पहिचान अनुप्रयोग मार्फत डिजिटल पहिचानले नागरिक र प्रवासीहरूलाई वास्तविक कार्ड बोक्न आवश्यक नभई लेनदेन र यात्रा गर्न सक्षम बनाउँछ।
यदि तपाईले सिभिल आईडी कार्ड नलिएर मोवाईल आईडी बाट नै काम चलाई रहनु भएको छ भने अब त्यसो नगर्नुहोस , बक्स मा तयार भएर बसेको सिभिल आईडी एक महिना भित्र ननिकालिएमा जरिवाना तिर्न पर्ने हुन सक्छ । सिभिल आईडी खास गरेर कोभिड का बेलामा आवत जावतमा समस्या, कर्मचारी कटौति, कार्यालयहरु बन्द र निषेधित यात्रा प्रतिबन्ध जस्ता कुरालाई सहज गर्न विकल्प का रुपमा दिईएको समाधान मात्र थियो । कुवेत सरकारले प्राईभेट संस्था मार्फत सिभिल आईडीको होम डेलिभरी सेवा लाई पनि धेरै अघि बन्द गरिसकेको छ ।
