कुवेतको गृह मन्त्रालयले श्रम बजारको बढदो बेतिथी रोक्न र गैर कानूनी रुपमा काम गरेर बसेका कामदारलाई हटाउन कुवेत सरकार आक्रमक ढंगले अघि बढेको छ । मात्र २ सातामा उसले ६ सय विदेशी नागरिकलाई पक्राउ गरि डिर्पोटेसन सेन्टरमा पठाएको छ भने गैर कानूनी रुपमा सञ्चालन गरेका पसल, मेडिकल फर्म र विना ईजाजत का डाक्टरहरु समेत कारबाहीमा परेका छन ।
प्रथम उपप्रधानमन्त्री, गृहमन्त्री र कार्यवाहक रक्षा मन्त्री शेख तलाल अल खालेदको प्रत्यक्ष निर्देशनमा गृह मन्त्रालयले सुरु गरेको अभियान विगतको भन्दा शसक्त छ । उहाँको ठाडो आदेशमा नै पिलिपिन्स का कामदार लाई कुवेत आउन रोक लगाईएको हो । अहिले दुवै देशका प्रतिनिधी विच बार्ता चलिरहेको भए पनि परिणाम आईसकेको छैन । भिषा जारी भएका ३००० फिलिपिना कामदार यसवेला रोकिएको अवस्था छ ।
त्रिपक्षीय समितिले जारी गरेको तथ्याङ्कमा पक्राउ पर्नेमध्ये ६ जना अनाधिकृत डाक्टरले बिरामीको उपचार गर्ने गरेको पाईएको छ । साथै, ठूलो संख्यामा घरेलु कामदार र अन्यलाई औषधि र नर्सिङको अभ्यासमा पक्राउ गरिएको थियो। गृह मन्त्रालय, जनशक्ति सार्वजनिक प्राधिकरण र स्वास्थ्य मन्त्रालयको सहकार्यमा उनीहरुविरुद्ध कानुनी कारबाही गरिएको हो । फिल्ड टोलीले घरेलु कामदारका लागि १५ वटा डमी भर्ती कार्यालयको अनुगमन र नियन्त्रणमा पनि लिएको थियो । रेसिडेन्सी ऐन उल्लङ्घन गरी दैनिक ज्यालादारीमा काम गर्ने करिब ९० जना कामदार फरार रहेका छन् । उनीहरूलाई देशबाट निस्काशन गर्ने तयारीमा सम्बन्धित निकायमा पठाईएको छ ।
यसैगरी सामाजिक सञ्जालको उपयोग गर्दै बेश्याबृतीका लागि विभिन्न प्लेटफर्म तयार गरेर अनलाईन मार्फत धन्दा चलाउने समुह पनि पक्राउ परेको छ । यसरी गतिविधि गर्नेहरु विभिन्न देशका गरी ९ जना रहेको अरब टाईम्समा उल्लेख गरिएको छ ।
