Monday 4th November 2024

प्रिन्स मोहमद स्टेडियममा जारी खेलमा नेपालले दोस्रो गोल


एएफसी यू–१७ महिला एसियन कप छनोटको दोस्रो खेलमा आयोजक जोर्डनविरुद्ध नेपालले पहिलो हाफ नसकिँदै दोस्रो गोल गरेको छ । प्रिन्स मोहमद स्टेडियममा जारी खेलमा नेपालले दोस्रो गोल ३२ औँ मिनेटमा गर्‍यो । नेपालका लागि दोस्रो गोल ९ नम्बर जर्सीकी खेलाडीले गरेकी हुन् ।

नेपालले १३ औँ मिनेटमा सुरुआती अग्रता लिएको थियो । नेपालका लागि पहिलो गोल १० नम्बर जर्सीकी खेलाडीले गरिन् । उनले १७ नम्बर जर्सीकी खेलाडीको पासमा गोल गर्दै नेपाललाई १–० को अग्रता दिलाएकी थिइन् । नेपाल प्रतियोगितामा पहिलो जितको खोजीमा छ । पहिलो खेलमा नेपालले फिलिपिन्सविरुद्ध १–० को हार बेहोरेको छ ।

छनोटको दोस्रो चरणमा स्थान बनाउन नेपाललाई आजको खेल जित्नैपर्ने दबाब छ । जोर्डन नेपाललाई हराउँदै प्रतियोगितामा विजयी सुरुवात गर्ने सोचमा छ । नेपाल, जोर्डन र फिलिपिन्स समूह ‘एच’ मा रहेका छन् । समूह विजेताले छनोटको दोस्रो चरणमा स्थान बनाउनेछ । पहिलो चरणको छनोटमा सहभागी टिमलाई ८ समूहमा विभाजन गरिएको छ ।

प्रत्येक समूहको विजेता दोस्रो चरणमा पुग्नेछ । जहाँ ८ टिमलाई दुई समूहमा विभाजन गरिनेछ । दुवै समूहका शीर्ष दुई टोलीले अर्को वर्ष इन्डोनेसियामा हुने एएफसी यू–१७ महिला एसियन कप खेल्नेछन् ।आयोजक इन्डोनेसियासँगै २०१९ को विजेता जापान, उपविजेता उत्तर कोरिया र तेस्रो भएको चीनले भने सिधै एसियन कपमा स्थान बनाइसकेका छन् ।


सम्बन्धित शीर्षकहरु

प्रजातन्त्र सहित को राजतन्त्र भएको स्पेनमा भरखरै गएको बाढी पहिरो ले धेरै धनजनको क्षति भयो । त्यहाँ सरकारले आफ्नो काम…

MuzainiExchange मुजैनी एक्सचेन्ज कम्पनीले बयान को-अपरेटिभ २, कुवैती जामिया एरियामा नयाँ शाखाको समउद्घघाटन र रेमिट्यान्स सेवाको विशेष सुभराम्भ गरेको छ…

यमपञ्चकसमेत भनिने तिहारको पाँचौं दिन आज भाइटीका पर्व दिदीबहिनीले आफ्ना दाजुभाइलाई श्रद्धा, आस्था र निष्ठाका साथ दीर्घायु, आरोग्य र ऐश्वर्य…

प्रतिकृयाहरू
...