सुडानमा दुई सुरक्षा निकायबीच द्वन्द्व चर्किँदा कम्तीमा ५६ जनाको मृत्यु भएको छ भने करिब ६ सय जना घाइते भएका छन् । सुडानको राजधानीमा घण्टौंसम्म भएको झडपमा परी अहिलेसम्म कम्तीमा पनि ५६ जनाको मृत्यु भएको अन्तर्राष्ट्रिय समाचार संस्था गार्डियनले उल्लेख गरेको छ ।
मृत्यु हुनेमा १७ जना सैनिक रहेको सुडानको चिकित्सक संगठनले जनाएको छ ।
आरएसएफ र सेनाबीच भएको दोहोरो भीडन्तमा परी संयुक्त राष्ट्रसंघ र विश्व खाद्य संगठनका लागि काम गर्दै आएका ३ जनाको पनि मृत्यु भएको बीबीसीले जनाएको छ ।
सन् २०२१ मा सैन्य कु भएपछि आर्मीले नै त्यहाँको राज्य सञ्चालन गर्दै आएको छ । सन् २०२१ अक्टुबर २५ मा सुडानी मिलिटरी जनरल अब्देल फत्ताह अल-बुरहानले सत्ता आफ्नो हातमा लिएपछि सुडानको राज्य सञ्चालन त्यहाँको सेनाले गर्दै आएको छ ।
सन् २०२१ मा सैन्य कु भएसँगै काउन्सिल अफ जनरलले राज्य सञ्चालन गर्दै आएको छ । सोही बिच राज्यकै अर्को सुरक्षा निकायको रुपमा रहेको आरएसएफ र सेनाबीच विवाद चल्दै आएको छ ।
