#नयाँवर्ष
बोतलको विर्को खोल्दै
मनाइने नयाँवर्ष
पुरानो वर्ष भुलाइने नयाँवर्ष
नयाँ योजना बनाइने नयाँवर्ष
रातभरी नसामा चुर्लुम्म डुबेर
पुरानो वर्ष भुलाउने नयाँवर्ष
डिजेमा रातभर रमाउने नयाँवर्ष
धान्नै नसकिने गरी ब्राण्डी पिएर
ठसठस् गनाउने नयाँवर्ष
छोइला र सुकुटीसंग
परिवारको सुख बेच्ने नयाँवर्ष
कलिला युवायुवतीहरुलाई
नसामा डुबाउने नयाँवर्ष
घरको जोहो रित्याउने नयाँवर्ष
घरमा झगडा निम्त्याउने नयाँवर्ष
गनाएर घर आउँदा बुढीसंग
झगडा पर्ने नयाँवर्ष
ऋणमाथि ऋण थप्ने नयाँवर्ष
अझै भन्नु नै पर्दा
नेपाली नयाँवर्ष होइन
अग्रेजी क्यालेण्डरको नयाँवर्ष
कस्तो अचम्म यसैमा
नेपालीलाई किन?
यत्रो हर्ष!!
नारायण कोइराला
– तानसेन,पाल्पा
