अफगानिस्तानको तालिबान सरकारले महिलाहरूलाइ उच्च शिक्षा अध्ययनमा प्रतिबन्ध लागएको छ । विश्वविद्यालयमा आफूहरूलाई प्रतिबन्ध लगाएपछि अफगान महिलाले विरोध जनाएका छन् । राजधानी काबुलमा बुर्का तथा कालो लुगा लगाएका विद्यार्थीहरू भेला भएर सरकारी कदमको बिरोध जनाएका हुन् । गत वर्ष सत्तापलट गरेपछि तालिबानले बुर्कालाई अनिवार्य गरेको छ ।
विश्वविद्यालय प्रतिबन्धको खबरपछि कतिपय विद्यार्थीहरूलाई साथीहरू र परिवारले सान्त्वना दिन थालेका छन् । तालिबानले अफगान महिलाहरूको शिक्षा र स्वतन्त्रताको अधिकारलाई दमन जारी राख्दै केही दिनअघि महिलाहरूको लागि विश्वविद्यालय शिक्षामा राष्ट्रव्यापी प्रतिबन्ध लगाउन आदेश दिएका थिए ।
गत वर्ष सत्ता कब्जा गर्दा नरम नियम बनाउने वाचा गरे पनि तालिबानले अन्तर्राष्ट्रिय आक्रोशलाई बेवास्ता गर्दै महिलाको जीवनका सबै पक्षमा प्रतिबन्ध लगाएको छ ।
