“पाँच तत्त्व पाँचै विकार, पञ्चाङ्ग नै ठिक आधार”
विधा :- पञ्चाङ्ग
अभ्यास गर्ने थलो :- पञ्चाङ्ग साहित्य समाज वर्ष २
मिति:- २०७९/०७/०८
………………………………..
प्रशिक्षक:-
रामराजा के.सी.
नारायण प्रसाद निरौला
भाषा शुद्धीकरण सुझाव :-
चन्द्रावती अधिकारी
सङ्कलक :- सविता के.सी.
सहजकर्ता :-
(महासचिव)
रामराजा के. सी.
======================
महाकवि लक्ष्मीप्रसाद देवकोटाको ११४ अौँ जन्म जयन्ती, पाँच दिन मनाइने तिहार तथा नववर्ष नेपाल सम्बत् ११४३ को अवसरमा यिनै वियषवस्तुमा केन्द्रित रही पञ्चाङ्ग अभ्यास गर्नुहुन अनुरोध छ ।
अनुप्रास :-
स्थायी :- मिल्ने ।
अक्षर संख्या :-
=======
पञ्चाङ्ग सङ्कलन गर्न सजिलो हुने भएकाले कमेन्ट बक्समा नाम ठेगाना सहित पञ्चाङ्ग राख्नुहुन अनुरोध छ ।
पञ्चाङ्ग १
तिहार आयो सेल बनाउने तेल ठीक छ
तिहारमा कोसेली लानलाई सेल ठीक छ
गाह्रो हुँदो रहेछ नारीलाई गरि खान नि
नजाऊ भनी माइतीमा जालझेल ठीक छ
गर भन्छन् घरको काम मात्र, खेल ठीक छ ।
सविता के.सी., काठमाडौँ ।
पञ्चाङ्ग २
मनभरि हर्ष उमङ्ग छाओस दिपावलीमा
सबैले सुन्दर आशिष पाओस दिपावलीमा
मनका ईच्छा आकांक्षा सदैव पूरा होऊन
सप्तरङ्गी टिका र माला लाओस दिपावलीमा
सदा मिष्ठान्न फलफूल खाओस दिपावलीमा ।
पूर्णबहादुर श्रेष्ठ “हुदयङकृत”
पनौती न.पा.-३,काभ्रे
पञ्चाङ्ग ३
सधैं झैं यसपालि पनि तिहार आएकाे छ
लक्ष्मी सहित धन दौलत भित्र पाएकाे छ
बत्तीले घर झिलमिल भै सजिएका छन् रे
भैलारुहरूले यहाँ भैलाे माग्दै गाएकाे छ
चारैतिर आज त खुशी नै खुशी छाएकाे छ ।
नवराज भट्ट
कञ्चनपुर
पञ्चाङ्ग ४
तिहारका पाॅच दिन रमाएर बसौॅ
देउसीरे अनि भैलो जमाएर बसौॅ
नवबर्ष साथसाथै भाइटीका पनि
यसैलाई केही दाम कमाएर बसौॅ
आपसमा खुशीयाली थमाएर बसौॅ ।
घनश्याम पौडेल, पोखरा
पञ्चाङ्ग ५
बगैँचामा फूल फुलेर खुसी छु
फूल बिच मन डुलेर खुसी छु
जिन्दगीको लक्ष्य खुसीको लागि नै
धर्ती र आकाश खुलेर खुसी छु
वेदना र पीडा भुलेर खुसी छु ।
– आर्त अकुलीन, कैलाली
पञ्चाङ्ग ६
घुम्दै फिर्दै फेरि उही तिहार आएको छ
केही त नपुगेको होकि जस्तो लाएको छ
धन सम्पत्ति होइन सन्तोष नै हो ठूलो
माल चरीले एकताको गीत गाएको छ
विगतको समयले हानी बताएको छ ।
निर्मला सुवेदी,बागलुङ ।
पञ्चाङ्ग ७
लक्ष्मीले सबै नेपालीको घरमा बास गरुन्
महलमा भन्दा पनि झुपडीमा खास गरुन्
महलमा बस्ने मात्रै पो उच्च श्रेणीका भए
झुपडीलाई पनि कमसेकम पास गरुन्
मानिस मानिस बीचको विभेद नास गरुन् ।
-पशपति राई खोटाङ
पञ्चाङ्ग ८
लक्ष्मीपूजाकै दिन जन्मेका लक्ष्मीप्रसाद धर्तीमा
लेखे फुटकर कविता देखि महाकाव्य धर्तीमा
महाकविको उपाधी नै दियो राज्यले उनलाई
देवकोटा सदासदाका लागि नै अमर धर्तीमा
लिएर प्रेरणा सधैँ तिमी बन अमर धर्तीमा ।
तेजप्रसाद खनाल
लमही दाङ।
पञ्चाङ्ग ९
घर घरमा लक्ष्मी पूजा गराै है
नारायण लक्ष्मी संझेर मराै है
याे संसार नारायणकै रचना
अन्त्यसम्म यिनैकाे भर पराै है
अन्तिम नारायस्मृति तराै है ।
म प्र घि
पञ्चाङ्ग १०
संसारकै अद्भूत हुन् हाम्रा महाकवि
सरस्वतीका दूत हुन् हाम्रा महाकवि
न त हाेला भविष्यमा यस्ताे अनुपम
धर्तीमाँका सपूत हुन् हाम्रा महाकवि
त्रिकालदर्शी अच्यूत हुन् हाम्रा महाकवि ।
चन्द्रावती अधिकारी
काेहलपुर वाँके ।
पञ्चाङ्ग ११
साहित्यका धरोहर धन देवकोटा
दिब्य नक्षत्र सबका मन देवकोटा
अमर जिउँदो साहित्यको सेरोफेरो
विद्वान भए पढेर जन देवकोटा
महाकवि भए लक्ष्मी भन देवकोटा ।
होम प्रसाद नेउपाने
धरान,सुनसरी ।
पञ्चाङ्ग १२
तिहारले सौहार्दता बोकेर आओस्
झुठ बोल्नेलाई ताला ठोकेर आओस्
विसङ्गतिको पोल खोल्दै ,सौम्य बोल्दै
बेमौसमी त्यो विकृति रोकेर आओस्
प्रबल काम,कर्तव्य तोकेर आओस् ।
प्रेम थापा “मन”