दक्षिणी फिलिपिन्समा भीषण वर्षापछिको बाढी पहिरोमा परी कम्तिमा ४७ जनाको मृत्यु भएको छ । त्यहाँको राष्ट्रिय प्रकोप जोखिम न्यूनीकरण र व्यवस्थापन परिषदले शुरूमा ७२ जनाको मृत्यु भएको बताए पनि पछि अपडेट गरेर एकिन तथ्यांक सार्वजनिक गरेको हो ।
बाढी पहिरोमा परी ६० जनाभन्दा बढी बेपत्ता भएका छन् भने ८ हजारभन्दा बढि मानिस घरबारबिहिन भएका छन् भने झण्डै २ लाख मानिसहरू बाढीबाट प्रभावित भएका छन् । बिहीबार रातिदेखि शुक्रबार बिहानसम्म परेको आँधीहुरीसहितको मुसलधारे वर्षाले दक्षिणी फिलिपिन्सका तीनवटा शहर अधिक प्रभावित भएका छन् ।
बाढी प्रभावित क्षेत्रमा उद्धारको कार्य जारी रहेको छ भने मृत्यु हुनेको सङ्ख्या अझै बढ्न सक्ने जनाइएको छ ।
