बुधबार इन्डोनेसियाको राजधानी जकार्तामा रहेको सबैभन्दा ठूलो मस्जिदको मर्मतको क्रममा भीषण आगलागी भएको छ । आगलागीका कारण मस्जिद भत्किएको छ ।
उक्त घटना स्थानीय समय अनुसार बुधबार दिउँसो ३ बजे उत्तरी जकार्ताको जामी मस्जिदमा भएको हो । मस्जिदमा मर्मतको काम चलिरहेको थियो ।
यो मस्जिद इस्लामिक स्टडीज एण्ड डेभलपमेन्टसँग सम्बन्धित थिंक ट्याङ्क जकार्ता इस्लामिक सेन्टरको परिसरमा बनेको छ । आगो निभाउन १० वटा दमकल घटनास्थल पुगेका थिए ।प्रहरीका अनुसार दुर्घटनामा कुनै मानवीय क्षति भने भएको छैन ।
