नागरिक उन्मुक्ति पार्टीका नेता रेशम चौधरी र लक्ष्मण थारुकाे उम्मेदवारी खारेज भएको छ ।
मंसिर ४ गते हुने प्रतिनिधि सभा सदस्य चुनावका लागि बर्दिया-२ बाट उम्मेदवारी दिएका चौधरीको उम्मेदवारी मुख्य निर्वाचन अधिकृतको कार्यालयले मंगलबार खारेज गरिदिएकाे हो ।२०७४ को संसदीय निर्वाचनमा कैलाली-१ बाट निर्वाचित चाैधरी हिंसात्मक घटनामा दाेषी ठहर भएपछि सांसद पद खारेज भएको थियो ।
त्यसै गरि सोही पार्टीको कैलाली क्षेत्र नम्बर-५ मा प्रतिनिधि सभाको उम्मेदवार रहेका लक्ष्मण थारुको उम्मेदवारी पनि रद्द भएकाे छ ।थारू कर्तव्य ज्यान मुद्दामा दोषी ठहर्याई सजाय पाई फरार रहेको भन्दै धनगढी उपमहानगरपालिका-१५ का रामबहादुर सिंहले थारु विरुद्ध उजुरी दिएपछि सोही आधारमा मुख्य निर्वाचन अधिकृतको कार्यालयले थारुकाे उम्मेदवारी रद्द गरिदिएकाे हाे ।
