डा. हरिमोहन पोखरेल , कोहिमा /मणिपुर राज्यको इम्फाल स्थित इबोयाइमा सुमाङलीला सङलेनमा पचासौ सुमाङलीला महोत्सव हिजो साँझबाट आरंभ भएको छ ।
मुख्यमन्त्री सचिवालयबाट प्राप्त समाचार अनुसार राज्यका महामहिम राज्यपाल ला.गणेशनको प्रमुख आतिथ्यमा सम्पन्न सो महोत्सवमा राज्यका मुख्यमन्त्री एन बिरेनको पनि उपस्थिति रहेको थियो ।
समारोहमा आफ्नो सारगर्भित वक्तव्य प्रस्तुत गर्दै महामहिम राज्यपालले भने कि मणिपुरको सुमाङलीला आज विश्वविख्यात रहेको छ । उनले अगाडि भने कि यसको आफ्नै पारंपरिक र पौराणिक विशेषता रहेको पाइन्छ ।यस लोलाले राज्यकै सामाजिक र सांस्कृतिक एवं आर्थिक रूपमा रहेको कमजोरीलाई लीलाको माध्यमबाट सत्यता प्रस्तुत गरेको पाइन्छ ।
समारोहलाई सम्बोधित गर्दै मुख्यमन्त्री एन बिरेनले भने कि मणिपुरमा प्रत्येक वर्ष सुमाङलीला महोत्सव आयोजना गरिन्छ ।जसले आज पचास वर्ष पुगेको छ ।यो एउटा ऐतिहासिक दिन हो ।
उनले अगाडि थपे कि राज्यको उन्नति र विकासमा आई रहेको कमजोरीलाई सुमाङलीलाले जसरी प्रस्तुत गरेको छ ।त्यसको अलग्गै इतिहास रहेको पाइन्छ ।
यसै अवसरमा विभिन्न रंगारंग कार्यक्रम रहेको र सुमाङलीलाका वरिष्ट कलाकारहरूलाई समेत सम्मानित गरिएको थियो ।
स्मरण रहोस सुमाङलीला एक प्रकारको छोटो नाटक हो ।जो विशेष गरेर मणिपुरमा खेलने गरिन्छ ।
—
कोहिमा नागालैंड भारत ।।