बसन्त थापा – कुवेतस्थित गृहमन्त्रालयले सम्बन्धित व्यक्तिको सहमतिबिना कुनै प्रकारको तस्बिर र भिडिओ खिच्न तथा उक्त तस्विर वा भिडियोलाई सामाजिक सञ्जालमा प्रकाशन गरेमा कारबाही हुने चेतावनी दिएको छ ।
गृहमन्त्रालयको साइबर अपराध विभागले गत बुधवार एक विज्ञप्ती जारी गर्दै सम्बन्धित व्यक्तिको अनुमतिबिना तस्बिर खिचेर र ‘भिडियो’ बनाएर निजलाई जानकारीनै नदिई अनुमतिबिना सामाजिक सञ्जालमा प्रकाशन गर्ने जोसुकैलाई प्रचलित कुवेतको कानूनबमोजिम कडा कारबाही गरीने गृहमन्त्रालयलाई उद्धत गर्दै अल-जरिदा दैनिकले जनाएको छ।
सार्वजनिकस्थलमा ख्यालठट्टाका नाममा विभिन्न किसिमका भिडिओ तयार गरी सोही भिडियोलाई सामाजिक सञ्जालमा राख्ने गरिएको गुनासो मन्त्रालयलाई प्राप्त भएको मन्त्रालयले जनाएको छ ।
