१.
गुरु हजुर भएर आज मैले लेख्न पाँए,
बन्दना छ हजुरको शरणमा पर्न आँए।
२.
गुरु नै हुन चम्किने आकासका जुन तारा,
ज्ञानको प्रकाशले नै आज उज्यालो छ सारा।
३.
गुरु बिना ज्ञानको ज्योति कसरी हो पाउने,
मेहनत गर्ने अनि गुरुको गान गाउने।
४.
बुवा आमा घरका गुरु पहिलो पाठशाला,
हजुरको पाउ छुन्छु म लगाई फुलमाला।
५.
सम्मान गर्छु गुरुलाई आशिर्वादका दाता,
टुट्नेछैन कहिले पनि हामी बिचको नाता।
६.
ज्ञानका खानी बसेकाछन् मेरो हृदय भित्र,
सधै आउछ यि आँखामा गुरुहरुको चित्र।
७.
म त सधै मेहनत अनि परिश्रम गर्छु,
ज्ञान फैलाउने गुरुको शरणमा म पर्छु।
८.
भगवान हुन गुरु हाम्रा बाटो देखाउने,
सफलताको शिखर माथी नाम लेखाउने।
९.
हजुर बाट नै गुरु मैले धेरै कुरा सिकेँ,
त्यहि सिपले त सजिलै म बजारमा बिकेँ।
१०.
हजुरलाई आदर गरि गुरु भन्न पाँउ,
मेहनत गरि बनाउछु म नि आफ्नो ठाँउ।
✍️ नवशिला
बेलबारी -२, लालभित्ती, मोरङ (हाल: गोदावारी)
(२९ असार २०७९ – गुरु पुर्णिमा।)
