डा. हरिमोहन पोखरेल, कोहिमा /अबेर गरी प्राप्त समाचार अनुसार नागालैंड विश्वविद्यालय लुमामी र केन्द्रीय विद्यालय लुमामीको संयुक्त तत्वावधानमा हिजो अन्तर्राष्ट्रय योग दिवस मनाएको छ ।
प्राप्त समाचार अनुसार केन्द्रीय विद्यालय लुमामीको सभागारमा संपन्न सो समारोहमा प्रो. परदेशी लाल कुलपति नागालैंड विश्वविद्यालय मुख्य अतिथिको रुपमा उपस्थित थिए ।
मुख्य अतिथिको आसनबाट बोल्दै प्रो. परदेशी लालले भने कि मानव जीवनमा योगको ठूलो भूमिका निभाएको हुन्छ ।जीवनलाई सुन्दर र स्वास्थ्य बनाउनको लागि योगको दैनिक अभ्यास गर्दै जीवनमा उतारने प्रयास गर्नुपर्छ ।
उनले अगाडि भने कि मनको एकाग्रता ल्याउने र बिना टेन्सन बाँच्नको लागि योग नै सर्वोत्तम साधन रहेको छ ।
यसै अवसरमा विश्वविद्यालयका सबै पदाधिकारी लगायत केन्द्रीय विद्यालयका सबै अधिकारी एवं शिक्षक र छात्र -छात्राहरूले समेत योग अभ्यासमा भाग लिएका थिए ।
कार्यक्रमको कुशल संचालन एवं धन्यवाद ज्ञापन हिन्दी अधिकारीले गरेका थिए ।
—
कोहिमा नागालैंड भारत ।।
