डा. अम्बरिश पोख्रेल – देशका ठूला ठूला शहरहरूमा (कम्तीमा पनि महानगर, उप महानगर र ठूला नगर पालिका हरुमा ) स्वतन्त्र रूपमा सर्वे गरेर चुनावी प्रक्षेपण गर्ने वा गर्न सक्ने संस्थाको टड्कारो अभाव देखियो ।
यो तेत्तीस चौतीस वर्ष भित्रमा कुनै पनि निकाय वा संस्थाहरू वा ठूला ठूला नाम चलेका विद्वान् वा बुद्धिजीवी मध्ये कोही पनि, यो काम किन गर्न गराउन अघि सर्दैनन् होला ?
यदि साँच्चै आर्थिक अभावले गर्दा त्यो प्रकारको संस्था निर्माण हुन् नसकेकै हो भने, नेपाल सरकारले बार्षिक रूपमा सहयोग गर्ने ब्यबस्था गरेर भए पनि यसको सुरुवात गर्नु पर्ने देखिन्छ, ताकि विभिन्न समयमा विभिन्न प्रकार सर्वे गर्ने गरोस ।
तर आर्थिक अभावले मात्र यो काम रोकिएको होला जस्तो मलाई लागेको छैन । यसको विशेष कारण, यहाँका ठूला पार्टीहरुले नेपाली समाजलाई बौद्दिक अपाङ्ग बनाएका कारणले गर्दा व्यक्तिगत रूपमा राम्रा राम्रा मान्छेहरूलाई पनि यो काम गर्न मन् लाग्दैन होला जस्तो देखिन्छ ।
विदेशीसँग पैसा लिएर, विदेशीकै लागि विभिन्न सर्वे गरेर रिपोर्ट बनाउनेहरुको चाहिँ कुनै कमी छैन नेपालमा ।
अस्तु ।
ए. पोख्रेल ।
