हिमालको शिखरमा हिउँ परेछ सेत्तै
नजाउ कान्छी पर पर आउन बसौं यत्तै
घर ता धरान कान्छी पर्छु शरण
एकदिनता हुन्छ पक्कै हाम्रो मरण ॥
डाँडाकाँडा बनैभरी लाली गुराँस फूल्यो
तिमीलाई देखेपछि यो मन त्यतै भूल्यो
कोशी बगर कान्छी बेईमान् नगर
एकदिन ता हामीलाई लान्छन् सगर ॥
लाम्चिला ती आँखीभौंमा गाजलु ती आँखा
एक पल्ट सुनाई देउन मायालुको भाखा
तान्सेन् बजार कान्छी माया हजार
मायालु हजार बेईमान नगर ॥
~~~~~~~~~~~~~~~~~~~~~
गुणनिधि घिमिरे, अमेरिका
