रूसी सेनाको रकेट आक्रमणमा परि युक्रेनमा कम्तिमा ५० जनाको ज्यान गएको छ भने सैयाैं घाइते भएका छन् । रकेट आक्रमण युक्रेनको डोनेत्स्कस्थित क्रामातोर्स्क रेल स्टेसनमा शुक्रबार भएको हो । यस घटनालाइ लिएर युक्रेनले सर्वसाधारण लक्षित गरेर रूसले आक्रमण गरेको आरोप लगाएको छ ।
रेल स्टेसनमा आक्रमण गरेको युक्रेनी आरोपको रुसले भने खण्डन गरेको छ । रुसी रक्षा मन्त्रालयले युक्रेनी सशस्त्र सेनाले आफ्नै जनतालाई मानव ढाल बनाएको आरोप लगाएको छ ।
रूसको बमबार्डबाट बच्न सर्वसाधारणले युद्द क्षेत्रबाट बाहिर निस्कन रेलमार्गको प्रयोग गरिरहेका बेला रकेट आक्रमण भएकोले स्थानियमा अझ त्रास फैलिएको अबस्था छ ।
रेल स्टेसनमा दर्जनौंको मृत्यु हुनगरी गराइएको रकेट आक्रमणको अमेरिका, बेलायत, युरोपेली युनियन (ईयू) लगायतले कडा शब्दमा भर्त्सना गरेका छन् ।
