केही टुक्का कविताहरू
१.
दिलमा राखेको थिएँ, छोडेर गयाै
आफ्नो ठानेको थिएँ, पराइको भयौ ।
२.
राजनीति देख्दा यो लाजनीति जस्तो लाग्छ
नेताहरूको चाला देख्दा घृणा मात्रै जाग्छ ।
३.
देशको विकास गर्ने युवा खाडीतिर जान्छन्
तिनै युवाहरूलाई बेचेर नेताले खान्छन् ।
४.
देशको बजेट जति सबै खल्तीभित्र हाले
त्यही पैसाले अनि आफ्ना साला जेठान पाले ।
५.
मनमा चाहना भए सबै पूरा हुन्छन्
पुकारे भित्रैबाट देवता पनि सुन्छन् ।
✍️ राजेशराज गड्तौला
रतुवामाई- १०, मोरङ, हाल- प्रवास
