मायाको संसार
~~~~~~~~~~~~~~~~~~
मन मेरो कोक्याएर खपी नसक्नु भो ।
हजुरको दर्शन पाउन धेरै कठिन भो ।।
कहिले काँही देख्न पाउँदा कति खुशी लाग्थ्यो ।
हजुरको आशिर्वादले रोग व्याधी भाग्थ्यो ।।
व्यस्तताले जिन्दगीमा छाड्ने हैन कहिल्यै ।
पंख भए उडिकन भेट्न आउँथें अहिल्यै ।।
फूल राम्रो गुलाबको काँढा भए पनि ।
मन भरी माया तिम्रै टाढा रहे पनि ।।
कहिले पनि नसम्झनु माया माऱ्यो भनी ।
साहित मैले पर्खीराछु ओंला गनी गनी ।।
~~~~~~~~~~~~~~~~~~~
गुणनिधि घिमिरे
पाँचथर, मोरङ
हाल-अमेरिका
