केही टुक्काहरू
(छन्द:पञ्चचामर)
१.
वसन्तले वनै नयाँ मनै नयाँ छ सुन्दरी
बनेर कृष्ण राधिका गरौँ उमङ्ग बेसरी।
२.
युवा विदेशिए सबै ऊठेन देशको मियो
रुँगेर बस्छु मै सधैँ यहाँ बतासको दियो।
३.
पुजेर बुद्धमूर्तिमा धरेर उच्च भावना
जितौँ भनेर युद्धको मनुष्य गर्छ कामना।
४.
बनेर ग्राह नै ठुलो कठोर राजनीति यो
सुलुक्क निल्न देश नै खडाभएर तम्सियो।
५.
मिले अनेक बार जो अनेक बार ती फुटे
गरेर जाल देश औ निरीह लोक नै लुटे।
✍️ रामशरण न्यौपाने
भक्तपुर ।
