सबै भन्छन् लिनु हुन्न,पिर चिन्ता कत्ति पनि
किन किन मान्दैन मन,सम्झाएनी जति पनि ।
दिन ढल्के पछि आउँछ,नचाहेनी कालो रात
रोक्न कहाँ सकिन्छ र? समयको गति पनि ।
समाजसेवि,बुद्धिजिवि,शिक्षित नै होस् तर,
कस्ले राम्रो ठान्छ हजुर,बिग्रेपछी मति पनि ।
मनमा इख,घमण्ड, पाप्, सधैँभरी पालिरहे,
सबैलाई एकदिन ठुलो,गर्न सक्छ खती पनि ।
हामी कोहि बस्नु हुन्न, टुलु टुलु हेरि यहाँ ,
सहँदै त्यो अन्याय र,अत्याचार अति पनि ।
प्रतिमा शिवाकोटी( उप्रेती)
भुम्लु गाउँपालिका ८,भुम्लुटार, काभ्रेपलान्चोक
(रचना : २०७८/११/२३ सोमबार )
