प्रमुख प्रतिपक्ष दल नेकपा एमाले र सत्ता गठबन्धन दल माओवादी केन्द्रबीचको छलफल सकिएको छ। बिहीबार साँझ कांग्रेस-एमाले छलफल लगत्तै एमाले र माओवादी केन्द्रका नेताहरूबीच संसद भवन नयाँ बानेश्वरमा छलफल भएको थियो। छलफलमा एमालेबाट ईश्वर पोखरेल, विष्णु पौडेल र सुवास नेम्बाङ तथा माओवादी केन्द्रबाट शक्तिबहादुर बस्नेत, देव गुरूङ र नारायणकाजी श्रेष्ठ थिए।
माओवादी केन्द्रसंग अहिलेको अवस्था, संसद गतिरोध र एमसिसीबारे छलफल भएको एमाले उपाध्यक्ष सुवास नेम्वाङले जानकारी दिए। दूई दलको २०७७ साल पुसपछि यो तहको छलफल पहिलो पटक भएको हो।’आफूहरूले छलफललाई निरन्तरता दिने भनेको समेत उनले बताए। यस्तै, माओवादीका तर्फबाट शक्तिबहादुर बस्नेतले एमालेसँग संसदको गतिरोध र एमसिसीबारे छलफल भएको बताए।
