ब्राजिलको साओ पाउलोमा भारी वर्षापछि आएको बाढी र पहिरोका कारण शुक्रबारदेखि सात बालबालिकासहित कम्तीमा
२१ जनाको मृत्यु भएको छ ।
राज्य सिभिल डिफेन्सले जारी गरेको विज्ञप्ति अनुसार करिब ६०० व्यक्तिहरू पनि विस्थापित भएका छन् ।अधिकारीहरूले प्रभाव परेका सहरका मेयरहरूलाई सहयोग गर्न अग्नि नियन्त्रकहरू, सैन्य प्रहरी र नागरिक सुरक्षाकर्मीहरूको कार्य समूह उद्दारमा खटिएको साओ पाउलोका गभर्नर जोओ डोरियालाइ उद्धृत गर्दै अन्तर्राष्ट्रिय मिडियामा समाचार प्रकाशित भएका छन्।
अन्तरसरकारी प्यानल फर क्लाइमेटका अनुसार, विश्वव्यापी हरितगृह ग्यास उत्सर्जनमा भएको वृद्धि र वायुमण्डलको ओजोन तहको ह्रासका कारण दक्षिणी ब्राजिलमा सन् १९६० को दशकदेखि औसत वर्षाका साथै चरम वर्षाका कारण पटक पटक प्राकृतिक प्रकोपका घटनाहरू घटिरहेको बताइएको छ ।
साभारः CNN
