स्रष्टा परिचय
नाम : लव जोशी
जन्म मिति:२०११ असोज ३०
जन्म स्थान: तानसेन पाल्पा
हाल: सिनामंगल,काठमाडौं
आमा:सुन्दरी माया जोशी
बुबा :राम बहादुर जोशी
शिक्षा – एम. फिल ( त्री. बी)
पेशा: शिक्षण र प्रशासन( भूतपूर्व)
संलग्नता : शीत काव्य समाज नेपाल,
नेपाल लिँक नेटवर्क
प्रकाशित कृतिहरू
एस .एल.सी इंग्लिश पासपोर्ट- १९८६- ८८
एस एल सी इंग्लिश गेस पेपर- १९८८- ८९
विकलांग विद्यार्थी एक मनो – सामाजिक सर्वेक्षण- २०४०
A love – A Qualitative auto ethnographic research study 2017
निष्ठा – (शिक्षण जुक्ति, विधि र अनुभब) २०७६
पौरखी – कविता संगालो २०७७
आमाको सन्दुक- कथा संग्रह २०७७
समाजशास्त्रका चार विचारक २०७८
सम्मान तथा पुरस्कार
पुरस्कार / पदक / प्रसंशा – पत्र – १. श्री ५ बाट सेवा पदक, २०४१
रूपन्देही.जिल्ला शिक्षा समिति, २०४१ तथा राष्ट्रिय शिक्षा पुरस्कार,२०४४
रचना: लघुकथा
बलिदान
आमाछोरा सुखको जीवन बिताइरहेका थिए । आमाले छोराको बिहे पनि गर्ने सोचमा थिइन् । छोराको प्रेम एउटी नगरवधुसंग भयो । छोरा उनको प्रेमा लट्टू हुंदै गयो । बिहेको प्रस्ताव पनि राख्यो ।युवतिमा सक्दो धनदौलत लुटायो । नगरवधुले प्रेम परीक्षा लिन चाहिन् । प्रेमी राजी भए । प्रेमिकाले – “ मलाई माया गरेको हो भने तिम्री आमाको मुटु ल्याएर उपहार दिन सक्छौ ? “ भनी सोधिन् । प्रेमी क्षणभर घोरिएर बसे । केही बोलेनन् । जुरूक्क उठेर दौडेर घर पुगे । भान्साबाट धारिलो छुरी लिएर आमा छेउँ गए । आमा जिल्ल परिन् । “ आमा मलाई तपाईको मुटु चाहिन्छ, दिनुस् भन्यो ।” आमाले जीवन समर्पण गरिदिईन् । उसले आमाको छाति चिरेर मुटु निकाल्यो, हातमा लिई दौड्दै प्रेमिकोको घरतिर लागे । बाटोमा ठेस लागेर पछारियो । मुटु बोल्यो – “ बाबु तिमीलाई चोट त लागेन ? “ मुटु टिपेर उ नगरवधु कहाँ पुग्यो । यही हो मेरो “आमाको मुटु ” भन्दै दियो । प्रेमिकाले दुबै हातले प्रमीको दायाँबायाँ गालामा थप्पड हानिन् । भनिन् – “ तँ जन्म दिने आमाको हत्या गर्नसक्ने नराधाम होस् । तैले मलाई के बाँकी राख्लास् र ? ” भन्दै सेक्युरिटीलाई लखेट्न लगाइन् । को हुन् प्रेमी ? को हुन् प्रेमिका ? को हुन् आमा ?
