खोरियाहरु
मोहको छैन आकार
बुढ्यौली खोज्छ आधार
सन्तान आँखा तर्दैछन्
पर सर्दैछन् ।
कमााएर साँच्दा साँच्दै
खर्च गर्न पाइन लौ
रोगले गाल्यो शरिर
बाँच्न भयो धौ ।
चाहेको खान देला को ?
पाउन्न काम ज्याला यो
बैंकमा पैसा राखिन
तिर्नु छ ऋण ।
जनार्दन अधिकारी धड्कन
चन्द्रागिरि १५,काठमाडौ
खोरिया ः-
१) जवानी हुँदा हिंडेथ्यौ
सृष्टिको भार बोकेर
स्वामित्व बुझ्ने बनायौ
भारी बिसायौ !!!
२) कम्पन हुन्छ बोलीमा
हृदय डग्छ तनमा
बृद्धको गरौं सत्कार
सेवा अपार !
३) बढ्यो सुगर प्रेसर
बाँच्नुछ औषधि भर
धेरै रोगको सिकार
लाग्छ धिक्कार !
सुरेश चन्द्र घिमिरे
लमजुङ
तीन खोरियाः
बुढा बाजे पात्तिएका
किन यसै मात्तिएका
देख्दा तरुनी लस्कर
हाँस्छन् मस्केर ।१
साहित्यमा लेख्ने पढ्ने
लौरो विना उतै लड्ने
कृति तिम्रा खातैखात
लाने हैन् साथ ।२
जवानी त गैसकिगो
आफैं बूढो भैसकियो
पाएको छु तिम्रो साथ
अरू छैन् आश ।३
दुर्गा अधिकारी भमरकोटे ।
बुढ्यौली खोरिया
१
बित्दैछ जूनी हाँसेर
पिरती चोखो गाँसेर
परिवारको मायामा
मीठो छायाँमा
२
पुगेछ माथि उमेर
फर्किन्न अव घुमेर
बिस्तारै पुग्छु सिरानी
बन्छु विरानी
३
बालकसंग खेल्दैछु
उमेर आफ्नो भुल्दैछु
आँगनी खेल्ने मैदान
छैन हैरान
केदारनाथ, फर्पिङ
