गजल
सँधैभरी परालका हाली हात खुट्टाहरु ,
आकाश र धर्ती जोड्न खोज्छन् भुईँफुट्टाहरु ।
कोही चीन कोही भारत कोही अमेरीकातिर ,
देश बेची घर किन्ने लोभी स्वार्थी झुट्टाहरु ।
दया माया रित्तीएका जनताको भावनामा ,
कतै पनि नपलाउने डँडेलाका ठुटाहरु ।
सुवर्णको पिरामाथि आफ्नो आसन जमाएर ,
त्यो चौरासी ब्यञ्जन खाने स्वभावका ढुटाहरु ।
रङरोगन लगाएर टलक्क नै टल्काउने ,
धमिराले खाको काठमा कुँदी नया बुट्टाहरु ।
-टहल आचार्य