नारायण कोइराला – पाल्पाको राम्पुर नगर पालिका १५ मा स्थापित मूना ट्रष्टको तेस्रो साधारण सभाबाट जनार्दन अधिकारी अध्यक्षमा चयन हुनु भएकोछ । त्यस्तै ट्रष्टको सचिवमा उपेन्द्र अधिकारी,कोषाध्यक्षमा मन्जु अधिकारी,सदस्यमा शुरज अधिकारी,बन्दना अधिकारी,अमोद अधिकारी,विष्णु अधिकारी,चयन हुनु भएको छ ।
धन कुमारी अधिकारी,कृष्ण प्रसाद अधिकारी संरक्षक रहनु भएको उक्त ट्रष्ट डा, दयानिधि पंकजको प्रमुख संरक्षकत्व,पारश,भिका पौडेलको उपस्थितिमा शुभारम्भ भएको हो ।मूना ट्रस्टले जनकल्याण मा,वि,बाट एसइइ मा सर्बोकृष्ट नतिजा प्राप्त गर्नेलाइ छात्रवृत्ति प्रदान गर्दै आएको छ भने रामपुर १० काभ्रेघारीमा मूना स्मृति भवन निर्माण गरि वडा स्वास्थ्य कार्यालय निशुल्क भाडामा दिइ स्वास्थ्य सेवालाइ सहजता प्रदान गर्दै आइरहेकोछ ।
अध्यक्ष जनार्दन अधिकारीले स्वास्थ्य जीवनको अमूल्य सम्पत्ति भएकोले जनताको स्वास्थ्यको लागि दत्तचित्त भइ प्राथमिकतामा राखेर सेवा गर्ने र एक दिन भएपनि छिटो एम्बुलेन्स सेवा सन्चालन गर्ने प्रतिवद्धता व्यक्त गर्नु भयो ।
स्वास्थ्य लगायत जलवयू परिवर्तनले वातावरणीय समस्या सिर्जित गरेको र स्वस्थ्यलाइ प्रतिकुल असर पारेको आजको परिप्रेक्षमा विभिन्न जनचेतना मूलक कार्यक्रम पनि कार्य योजना बनाइ संचालन गर्दै जाने वताउनु भयो ।
