प्रतिस्पर्धा
तिमी त्यो प्रतियोगिताको
लहर उभिरहेका छौ
जुन लहर
अग्ला अग्ला घर
चिल्ला चिल्ला गाडी
सुकिला मुकिला पहिरन
मिठा मिठा पक्वानको
लहरमा
तर म
एक्लै उभिरहेको छु
पर
त्यो भन्दा धेरै पर
त्यसैले त एउटा अविश्वास र घमन्डको
खाडल देख्छौ म भित्र
हामी र हामी विचको सम्बन्ध भित्र
म
जाडोमा न्यानो कपडा नहुने को भिडमा रुम्मल्लिदैछु
तिमी वार्मर तापीरहेको हुन्छौ
म एक छाक भोक मेटाउने
भोजनको खोजिमा हुन्छु
तिम्लाई अघाएर खाना फ्याँकी रहेको
देख्छु
तिमी त्यहीँ वस्तीमा हुर्किएर
तिनै साना मान्छेहरुलाई चिन्दैनौ
म तिनै भुईँ मान्छेहरु सङ्ग
मितेरी लाउदैँ हिड्छु
धन सम्पत्तिका मात्र कुरा हुन्छन
तिम्रा फुर्सद्का दिनहरु
म झुपडीँ नहुनेका विचमा
हराईरहेको हुन्छु
म निस्वार्थ मन भित्रको
एक जिवित अस्तित्व हुँ
तिमी खोक्रो रवाफ
म
ऐना जस्तै छर्लङ्ग हुन चाहन्छु
तिमी अपार्दर्शी वस्तु
हेर ? त
कति भिन्नता छ हामी विच
त्यसैले त एउटै पङ्तीमा
उभिएका छैनौ हामी
र उभिने पनि छैनौ कहिले
म जहाँ उभिएको हुनेछु
त्यहाँ
छ्लकपट
लोभ डाहा
ईर्ष्या भेदभाव
उचनिच सबै त्यागेर
उभिनु पर्छ
त्यसैले
सक्छौ र उभिन ?
आयाम कार्की
२०७८/०९/०७
