घरेलु कामदारलाई यातना दिएर मारेको आरोपमा कुवेतीकी एक महिलालाई फौजदारी अदालतले १० वर्ष कैद सजाय सुनाएको छ।उनका श्रीमानलाई भने एक वर्षको जेल सजाय तोकिएको छ। यस सम्बन्धि समाचार कुवेतबाट प्रकाशित हुने अनलाइन पत्रिका अरब टाइम्समा प्रकाशित भएको छ ।
परिचय नखुलाईएकी ति कुवेती महिलामाथि घरेलु कामदारलाई बारम्बार कुटपिट र यातना दिएको तथा शरीरभरि आगो लगाएको अभियोग लगाइएको थियो।उनलाई लामो समयसम्म कुटपिटबाट शरीरमा चोटपटक लाग्दा पनि काम गर्न बाध्य पारेको र यसैको कारण मृत्यु भएको अभियोगसमेत लगाइएको थियो ।
आफ्नो संरक्षणमा रहेकी घरेलु कामदारको हेरचाह गर्ने दायित्व पूरा नगरेकोमा ति महिलाको पतिलाई पनि दोषी ठहराइएको हो।
यातना दिएर मारिएकी घरेलु महिला कामदारको विवरण भने गोप्य राखिएको छ।
