जुनेली परिकल्पना गरी जोडेम हामी धेरै मीत,
ज्ञान,भाव,साहित्यमा सधै हुन्छ हाम्रो जीत,
सत्यता र शीतलताको प्रतीक बन्यो जुनेली शीत,
विश्वास राखौं काव्य क्षेत्रमा गर्छ यसले राम्रो हित।-१
जुनेली रस बस्ने गर्छ साहित्य विधाको साथमा,
साहित्य सपार्ने जिम्मा लिए पाल्पालीले हातमा,
पाल्पालीले आविस्कार गरेको यो राम्रो काव्यमा,
पहिलो नं.को काव्य भन्छन् जुनेलीलाई सभ्यमा।-२
तीन-दुई,तीन-दुई वर्ण चार हरफमा लेख्नुपर्छ,
छन्द भाव आए नआएको राम्रो संग देख्नुपर्छ,
मनका भाव राम्रै गरि जुनेली काव्यमा छर्नुपर्छ,
जुनेली काव्यको विकास हामी सबै मिली गर्नुपर्छ।-३
जुनेली मोतीका ज्योतिले काव्य रस घोल्दछ,
संसार भरीका सबैले नै जुनेली-जुनेली बोल्दछ,
हामी सबै मिलेर यसको विकास गर्नुपर्छ,
जताततै घुमेर जुनेलीको रस छर्नुपर्छ।-४
धेरै जसो साहित्यकार जुनेलीमा लागिसके,
सुन्दर काव्य भनेर नै जुनेलीमा जागिसके,
रचना गर्ने तरिका पनि साथीहरू संग मागिसके
जिन्दगीको लक्ष्य जुनेली नै लेखी मुटमा टाँसीसके ।५
शिव कुमार रेग्मी
बगनासकाली-२
पोखराथोक,पाल्पा
