काठमाडौं- नेकपा एमालेको आन्तरिक विवाद समाधान गर्न गठित कार्यदलको बैठक सिंहदरबारमा शुरु भएको छ। नेकपा एमाले अध्यक्ष समेत रहेका प्रधानमन्त्री केपी शर्मा ओली र वरिष्ठ नेता माधवकुमार नेपाल पक्षबाट कार्यदलमा रहेकाहरू बैठकमा सहभागी छन्। दिउँसो १ बजेदेखि बैठक जारी रहेको छ।
एमाले पार्टीभित्र देखिएका विवाद समाधान गर्न पटकपटक कार्यदलको बैठक बस्दै आएको छ । बिहीबार पनि कार्यदलको बैठक बसेको थियो तर गृह तथा अर्थमंत्री बिष्णु पौडेल व्यस्त भएपछि आज बस्ने गरि स्थगित भएको थियो भने कार्यदलका सदस्यहरुले तयार पारेका बुदाहरुमा सहमति नजिक पुगेको नेताहरूले प्रतिक्रिया दिएका थिए। नेता सुवास नेम्वाङले सहमति नजिक पुगेको बताए पनि घनश्याम भुसालले भने १० दिनदेखि कुनै प्रगति हुन नसकेको बताएका थिए।
