“झर देखि झरनासम्म , हाम्रो यात्रा सागरसम्म ”
१
घुसखोरी दादागिरी यिनी जान्दैनन्,
सत्य कुरा नलेखेर यिनी मान्दैनन् ।
२
जय जय समाजको आवाज बोल्दिनेलाई,
गन्हाउने फोहरको ढल खोल्दिनेलाई।
३
जयजय गान गरौँ कस्को अब हामी
राम्रो काम गर्ने पो त बन्छ यहाँ नामी।
४
नामको मात्र भोको बन्छौ माखो मर्या हैन ,
जनताको पीर मर्का पर सर्या हैन ।
५
कागलाई बेल पाक्यो हर्ष न छ बिस्मात ,
अनि फेरि भन्नुपर्छ अभागी यो किस्मत ।
६
अझै पनि धाक धम्की रबाफ लगाउँछौँ ,
सही मार्ग देखाउँदा जवाफ लगाउँछौ।
७
पदभित्र छिर्यौ तिमी हामीले पठाएर
मालिक बन्छौ अनेकथरी निर्देश खटाएर ।
८
निरीह नै सम्झ्यौ क्यारे चूप भई बस्दा ,
सम्मान गर्न बिर्सिदियौ हामी तल खस्दा।
९
घोक्रे ठ्याक लगाएर जाने दिन आउला
होस गर गरिबले अझै दुःख पाउला।
१०
साहित्यकार समाजको दर्पण हुन् ,
यिनलाई छेक्ने जन्मेको छ कुन्?
चन्द्रावती अधिकारी
दुराडाँडा – २, लमजुङ
हालः कोहलपुर वाँके।
