तीतोपाटी – छोटो समयमै कुवेतमा छुट्टै पहिचान बनाउन सफल बदर अल समा मेडिकल सेन्टर फरवानियाले अस्पतालसँग सहकार्य गर्ने कुवेत केरला प्रवासी संघ {KUWAIT KERALA PRAVASI ASSOCIATION(KKPA)} का पदाधिकारीहरूलाइ बदर विशेष स्वास्थ्य कार्ड वितरण गर्यो । बदर अल समा मेडिकल सेन्टरमा आयोजित एक कार्यक्रममा मेडिकल सेन्टरका शाखा प्रवन्धक श्री अब्दुल रजाकले KKPA का पदाधिकारीहरूलाइ विशेष स्वास्थ्य कार्ड प्रदान गरेका हुन् ।
उक्त विशेष स्वास्थ्य कार्ड वितरण कार्यक्रममा बदर अल समा मेडिकल सेन्टरका मार्केटिङ कोअर्डिनेटर मिस्टर अनास साथै KKPA का प्रेसिडेन्ट शाकिर पुथेन पालाथ एवं KKPA का अन्य पदाधिकारीहरूको उपस्थिति रहेको थियो ।
ब्यक्तिगत रूपमा लिनु पर्दा वार्षिक १० केडि मुल्य पर्ने उक्त विशेष स्वास्थ्य कार्ड साथमा भए पछि अस्पतालबाट दिइने विभिन्न सेवाहरूमा विशेष छुट पाउन सकिन्छ । यो कार्ड हुने जो कसैलाइ पनि डक्टर परामर्श, Xrays, प्रयोगशाला र फार्मेसी लगायतका सबै विभागहरूमा छुटको ब्यवस्था गरिएको मेडिकल सेन्टरका शाखा प्रवन्धक अब्दुल रजाकले तीतोपाटी सँगको कुराकानीमा बताए ।
स्मरण रहोस, बदर अल समा मेडिकल सेन्टर फरवानियाले यस अघि पनि टुलुकुटा कुवेत (TKK) लाइ बदर विशेष स्वास्थ्य कार्ड वितरण गरेको थियो । बदर अल समा मेडिकल सेन्टरले आफु सँग विभिन्न किसिमले सहकार्य गर्ने जुनसुकै संघ संस्था वा कम्पनी विशेषलाइ सो विशेष स्वास्थ्य कार्ड वितरण गर्ने जनाएको छ ।
