सुशिल बस्याल,पाल्पा – पाल्पा जिल्लाको बगनासकालीमा रहेको वेद युवा सुमहले पुस्तक विमोचन समारोह सम्पन्न गरेको छ । युवा समुहका पदाधिकारी तथा वेद युवा समुहको शुभचिन्तकहरुको २५ वटा लेख रचना उक्त पुस्तकमा समाबेश गरिएको छ । गाउँपालिका प्रमुख, विभिन्न संघ संस्थाका प्रतिनीधिहरू तथा युवा समुहका पदाधिकारीहरूको समुपस्थितिमा उक्त विमोचन समारोह सम्पन्न भएको हो ।
विमोचन समारोहमा बोल्दै वेद युवा समुहका अध्यक्ष बरुण बस्यालले पुस्तक पल्टाउँदा वेद युवा समुहले स्थापना काल देखि आजको दिन सम्म गरेको कामको दस्तावेज भेट्न सकिने जानकारी दिएका थिए ।
समाजमा सकारात्मक परिवर्तन दिनको लागि र युवा परिचालन र उत्प्रेरणाको उद्देश लिएर पुस्तक प्रकाशन गरिएको हो । ब्यक्तिगत तथा गाउँपालिकाको तर्फबाट युवाहरुलाई सधै सहयोग गर्ने प्रतिबद्धता गाउँपालिका अध्यक्ष कृष्ण बस्यालले जानकारी दिएका थिए ।
अन्य अतिथिहरुले युवाहरुलाई बधाई तथा शुभकामना दिएका थिए । पुस्तक प्रकाशनमा नोरिक र इन्सेक सस्थाले सहयोग गरेको थियो । यस विमोचन समारोहको कार्यक्रम सन्चालन सुशिल बस्यालले गरेका थिए ।
